Xocalı qırğını 20 il sonra: Təlatümlü illərin faciəli günlərinin kədərli xatirəsi
O faciənin üstündən 20 il keçir. Düz 20 il qabaq Azərbaycanda
siyasi-hərbi vəziyyət qarmaqarışıq və mürəkkəb idi. Qarabağ cəbhəsində
bir tərəfdə vahid komandanlığı olmayan, vahid qərargaha tabe olmayan,
vahid mərkəzdən idarə olunmayan Azərbaycanın silahlı dəstələri dururdu, o
biri tərfdə isə rusların nizami ordu hissələrinə arxalanan erməni
qüvvələri. Düz 20 il qabaq müntəzəm olaraq Bakıya zəng edib Xocalı
ətrafındakı vəziyyətdən xəbər tuturdum. Düz 20 il qabaq Bakıdan –
“Azərinform”un (indiki AzərTac)
müdiri Azad Şərifovla və prezident aparatının mətbuat xidmətindən
aldığım son məlumatları "Azadlıq" radiosundan dinləyicilərə çatdırırdım.
Düz 20 il qabaq Xocalının tutulduğunu və yerli əhalinin şəhəri tərk
etdiyini mənə bildirdilər...Və sonra...Sonra qırğın barədə məlumatlar
gəlməyə başladı. Kədərli məlumatlar. Xocalı qırğınının qurbanlarının
ürək partladan şəkilləri xarici qəzetlərin səhifəsində, xarici ölkələrin
televiziya ekranlarında peyda oldu. Ermənilərin Qarabağ avanturasının
növbəti qurbanı Xocalının
günahsız sakinləri oldu...Gün gələcək və cinayətkarlar layiq olduqları
cəzanı alacaqlar!
Xocalıda öldürülən günahsız insanlara Allah rəhmət eləsin!
No comments:
Post a Comment